اسلام آباد 13 ستمبر (اے پي پي) وزيراعظم شهباز شريف د كوچنۍ او مينځنۍ درجې كاروباري ادارو استعداد كښې د زياتوالي امر كولو سره وئيلي دي چې د كوچنۍ او مېنځنۍ درجې كاروباري ادارو برآمدات زياتېدل دهېواد معيشت لپاره ضروري دي٬ د لويو نجي كاروباري ادارو ذمه واري ده چې ھغه د كوچنۍ او مېنځنۍ درجے كاروباري ادارو سره كار وكړي٬ سميډا بورډ دې په سمدستي توګه فعاله كړې شي۔ د دې خيالاتو څرګندونه وزيراعظم شهباز شريف د جمعې په ورځ د سمال اېنډ مېډيم انټرپرائزز ډويلپمنټ اتھارټۍ (سميډا)د سټيئرنګ کمېټۍ د وړومبۍ غونډې مشرۍ په مهال خپلو خبرو كښې وكړه۔ په غونډه كښې د اقتصادي چارو وفاقي وزير احد خان چيمه، د صنعت او پېداوار وفاقي وزير رانا تنوير حسېن، د وزيراعظم کوآرډينيټر رانا احسن افضل، د سټېټ بېنك ګورنر، د اېف بي آر چيئرمېن، د اېف بي سي سي آئي صدر او د سټيئرنګ کميټۍ نورو غړو هم ګډون كولو۔ په دې موقع وزيراعظم ته په هېواد كښې د كوچنۍ او مېنځنۍ درجې د كاروباري ادارو پرمختګ پحقله په لائحه بريفنګ وركړے شو۔ ګډون كوٶنكو ته ووئيل شول چې كوچنۍ او د مېنځنۍ درجے کاروباري ادارو ودې لپاره د نړيوال معيار پوهانو خدمات به ترلاسه كولې شي۔ په غونډه كښې د كوچنۍ او مېنځنۍ درجې کاروباري ادارې ګټورې جوړولو٬ د دې په آسانو قسطونو قرضونو ته لاس رسي ٬ د اېېس اېم ايز د لارې په برآمداتو كښې زياتوالې٬ مېرمنو لپاره په كاروبار كښې آسانۍ او ددې موسمياتي بدلون سره همغږي رامخې ته كولو حوالې سره په تګلاره بريفنګ وركړے شو۔ غونډې ته ووئيل شول چي ري سائيکل كړې شوې موادو څخه د ټيکسټائل مصنوعاتو جوړولو ټيکنالوجي متعارف كولو سره به د موسمياتي بدلون مقابله كولې شي، نوې کاروبار پېل كولو لپاره به په آسان قسطونو قرضو لپاره حكومت معاونت كوي، د سميډا له مخې د كوچنۍ او مېنځنۍ درجې كاروباري ادارو پرمختګ لپاره به د ټولو پاليسو تشكيل د تازه شمېرې په بنياد كولې شي۔ وزيراعظم محمد شهباز شريف د كوچنۍ او مېځنۍ درجے د كاروباري ادارو استعداد كښې اضافې لپاره د اقداماتو امر وكړو ۔ ده ووئيل د اېس اېم ايز څانګه د قامي پرمختګ انجن دے٬ د كوچنۍ او مېځنۍ درجې د كاروباري ادارو برآمداتو كښې اضافه د هېواد معيشت لپاره ضروري ده٬ د سميډا بورډ دې په سمدستي توګه فعاله كړې شي۔ وزيراعظم ووئيل د لويو نجي كاروباري ادارو ذمه واري ده چې ھغوي د كوچنۍ او مېنځنۍ درجې كاروباري ادارو سره كار وكړي۔ ده ووئيل زمونږ د آبادۍ نيمائي برخه په مېرمنو مشتمل ده او د هېواد په معيشت كښې د مېرمنو كردار ډېر اهم دے، د هېواد د كوچنۍ او مېنځنۍ درجې كاروبار پحقله پرېكړو كښې دې كاروباري مېرمنې په خاص توګه شاملې كړې شي۔ ده ووئيل برآمداتو لپاره تېار كړې شوې ټول مصنوعات دې د نړيوال معيار له مخې كړې شي۔
د كوچنۍ او مينځنۍ درجې كاروباري ادارو برآمدات زياتيدل د هيواد معيشت له ضروري دي٬ د سميډا بورډ دے په سمدستي توګه فعال كړے شي۔ وزيراعظم شهباز شريف
مضمون کا ماخذ : پاور بال لاٹری
متعلقہ مضامین
.jpg)
