ملتان۔21جولائی(اے پی پی) خارجه وزير مخدوم شاه محمود قرېشي وئيلي دي چې د افغان سفير د لور د تښتونې پېښې بشپړه پلټنې روانې دي۔ ادارو فوټېج ترلاسه كړې او د 250 كسانو نه تپوس پوښتنه شوې۔ د دې پلټنيو منطقي انجام ته رسولو له د افغان سفير او د هغه د لور مرستې ته اړتيا ده۔ د دې خيالاتو څرګندونه هغه ملتان كښې د اختر لمونځ نه وروسته ميډيا سره خبرو كښې وكړه۔ شاہ محمود قرېشی ووئيل افغانستان حكومت ته مو خواست كړے چې هغه دې د سفير بېرته رابللو معاملې ته بيا كتنه وكړي۔ دا مهال افغانستان نازك صورتحال څخه تېرېږي۔ په داسې حالاتو كښې د افغانستان سفير بېرته تلل مناسب نه دي۔ د يوې پوښتنې په ځواب كښې هغه ووئيل په افغان مسئله زلمے خليل زاد ته جوبائيډن ذمه واري سپارله ده۔ هغه ووئيل د ناسمو حالاتو باوجود وزيراعظم عمران خان صدر اشرف غني سره ملاقات كړې۔ مونږ د افغانستان ټولو ګاونډي هېوادونو سره هم خبرې كوؤ۔ هغه ووئيل د افغانستان په مسئله د مذاكراتو په لړ كښې غونډه د صدر اشرف غني د مصروفيت له امله ځنډولې شوې ده۔ د افغانستان په مسئله د هند منفي رويه د افسوس وړ ده او دا د دې منطقې استحكام لپاره مناسب نه ده۔ هند د امن نړيوالې ايجنډې خلاف ورزي كوي۔ مخدوم شاه محمود قرېشي ووئيل فیټف وئيلي دي پاكستان په 27 كښې په 26 نكاتو عمل كړې دې۔ نړۍ د پاكستان د كردار ستائنه كوي خو هند خنډان راولاړوي۔ هغه ووئيل جے شنكر اعتراف كړې دې چې مونږ پاكستان د فيټف ګرے لسټ كښې د شاملولو هڅه كړې۔ هند په نړيواله كچه پرله پسې ناكامۍ سره مخ دے۔ شاه محمود قرېشي ووئيل هند مقبوضه كشمير كښې د بشري حقونو په ضد سختو خلاف ورزيو كښې ككړ دے۔ نړيواله ورورولۍ بايد ددې نوټس واخلي۔ هغه ووئيل هند د امن په لاره كښې خنډ راولاړوي او د افغانستان زمكه كارول غواړي۔ هغه ووئيل مونږ به دغه قوتونه په ډاګه كوؤ كوم چې د چين او پاكستان اړيكې اغېزمند كوي۔ شاہ محمود قرېشی زياته كړه چې زه سبا چين ته روان يمه۔ يو دوه ورځ كښې به مهمو لارښودو سره ملاقاتونه كېږي۔ دښمنان سي پېك متنازع جوړولو له ډنډورې وهي۔ د يوې پوښتنې په ځواب كښې هغه ووئيل د داسو ډېم حوالې سره بې بنسټه خبرې خپرولې شي۔ د داسو پېښې په ډله خفه يؤ او د پلټنيو عمل روان دے۔ چين او پاكستان د د داسو په معامله په ګډه كار كوي۔ سي پېك به ځپلې نه شي۔ خارجه وزير ووئيل د اپوزيشن د تحفظاتو اظهار د پوهې نه لرې دې۔ د آزاد کشمیر انتظامیې له به د مسلم ليګ ن وزيراعظم ته ځواب وركول وي۔
هندوستان د نړیوالې سولې ايجنډا کښې یو خنډ دی ، د داسو ډېم په پېښه راته خفګان شوے۔ خارجه وزير
مضمون کا ماخذ : لوٹومینیا کے نتیجے میں پچھلے حصے
متعلقہ مضامین
