اسلام آباد ۔ 4 اگست (اے پی پی) پاکستان واضح کیتے جو او کہیں وی طالبان گروپ اچ دلچسپی کائنی رکھیندا اتے سارے دہشت گرد گروپاں دے خلاف بغیر کہیں فرق دے کارروائی جاری ہے،آپریشن ضرب عضب نال قبائیلی علاقیاں اچ دہشت گرداں دے اخیری ٹکانڑیں کامیابی نال تباہ کر ڈتے گئے ہن ، پاکستان دہشت گردی دے خلاف جنگ اچ کہیں وی ملک توں ودھ مُل ادا کیتے ہے، کشمیر بھارت دا اندرونی نہیں متنازعہ معاملہ ہے، پاکستان حق خود ارادیت دی جدوجہد اچ کشمیری عوام دی اخلاقی،سفارتی اتے سیاسی حمایت جاری رکھیسی۔دفتر خارجہ دے ترجمان محمد نفیس زکریا خمیس کوں اتھاں پریس بریفنگ دے دوران صحافیاں دے مختلف سوالیں دے جواب اچ اے گالہیں آکھیا ں ۔ پینٹاگان ولوں پاکستان دی 300ملین ڈالر فوجی امداد روکنڑ بارے سوال دے جواب اچ انہاں آکھیا جو پاکستان دہشت گردی دے خلاف جنگ اچ کہیں وی ملک توں ودھ جانی تے مالی مُل ادا کیتے ۔ دہشت گردی دے خلاف جنگ اچ پاکستان چھی ہزار سیکورٹی اہلکاراں سمیت سٹھ ہزار قیمتی انسانی جاناں دی قربانی ڈتی ہے ۔ ترجمان آکھے جو پاکستان تحریک طالبان سمیت ساریاں دہشت گرد گروپاں دے خلاف بغیر کہیں فرق دے کارروائی جاری ہے ۔ تحریک طالبان پاکستان ( ٹی ٹی پی) افغانستان دی سرزمین توں پاکستان تے حملیاں دی منصوبہ بندی اچ ملوث ہے۔امریکہ ولوں جماعت الحرار تے پابندی بارے ترجمان آکھیا جو پاکستان ایں فیصلے دا خیر مقدم کریندے ۔ پاکستان بہوں عرصے توں جماعت الحرار اتے تحریک طالبان سمیت دہشت گرد گروپاں دے خلاف ٹھوس اقدامات تے زور ڈیندا پئے ۔ پاک افغان سرحد انتظام بارے ہک سوال دا جواب ڈیندے ہوئیں ترجمان آکھیا جو ایندا بنیادی مقصد ڈوہائیں پاسوں لوکیں دی نقل و حمل کوں باضابطہ بنڑاونڑاں اتے دہشت گرد اتے ناپسندیدہ افراد دے داخلے کوں روکنڑ ہے ، ڈوہائیں ملکاں سرحد دے معاملے طے کرنڑ کیتے طریقہ کار تے اتفاق کیتے جڈانجو ترجمان آکھے جو طورخم اچ باب پاکستان گیٹ دی تعمیر تے افغانستان دے رد عمل تے حیرت تھئی ہے ۔
پاکستان کہیں طالبان گروپ اچ دلچسپی کائنی رکھیندا ، سارے دہشت گرد گروپاں دے خلاف بغیر کہیں فرق تے کارروائی جاری ہے ،دفتر خارجہ دے ترجمان محمد نفیس زکریا دی پریس بریفنگ
مضمون کا ماخذ : ایزٹیک گولڈ
متعلقہ مضامین
.jpg)
