لاہور۔24 مئی(اے پی پی )صوبائی وزیر کو آپریٹوملک محمد اقبال چنڑآکھیاہے جو علم تے ہنر دے بغیر کوئی وی قوم ترقی دیاں منزلاں طے نی کر سگدی ،پوری دنیا اچ او قوماں ہمیشہ زندہ جاوید رہندیاں ہن جنہاں علم دی معراج طے کیتی ہوندی ہے ،وزیراعلیٰ پنجاب شہباز شریف صوبے کوں علم تے ہنر دا عظیم گہوارہ بنڑاونڑ دا عزم کیتا ہویا ہے تاں جو تعلیمی شعبے اچ شاندار روایات جنم گھن سگن ایں مقصد سانگے اگلے مالی سال دے دوران سکول کونسلاں سانگے 14ارب روپے دی ودھ ساری رقم رکھی ویندی پئی ہے تاں جو تعلیم دے ودھارے سانگے حکومت اتے والدین اتے بئے ممبراں دے ذریعے تعلیم دے حصول کوں عروج مل سگے ۔انہاں آکھیا جو اساڈی حکومت اجوکے مالی سال دے دوران بجٹ دا 27فیصد حصہ تعلیم سانگے مختص کیتا ہے جڈاں جو آندے مالی سال سانگے اے رقم بجٹ دے 30فیصد تئیں ودھا ڈتی ویسی ۔انہاں آکھیا جو اآندے مالی سال سکول اچ مسنگ سہولتاں دی شرح زیرو فیصد تئیں ونج گھن تے ہر سکول اچ ساریاں بنیادی سہولتاں جیں اچ سائنس تے کمپیوٹرلیبز ، چاردیواری، پیونڑ دا صاف پانڑیں، بجلی، فرنیچر اتے استاداں دی مناسب تعداد ڈے ڈتی ویسی ۔انہاں آکھیا جو وزیراعلیٰ ایجوکیشن ریفارمز روڈ میپ تے عمل در آمد کریندے ہوئیں 2018تئیں 5توں 9سال دی عمر دا ہر بال سکول دے اندر ہوسی ۔
اگلے مالی سال دے دوران سکول کونسلاں سانگے 14ارب روپے دی ودھ رقم مختص کیتی ویندی پئی اے ،ملک محمد اقبال چنڑ
مضمون کا ماخذ : Loteria Instantânea
متعلقہ مضامین
.jpg)
