اسلام آباد 14نومبر (اے پي پي)په افغانستان كښې د طالبانو حكومت عبوري خارجه وزير امير خان متقي تصديق كړې دې چې د پاكستان او تحريك طالبان پاكستان يعني ټي ټي پي ترمينځه لوظنامې لپاره د ثالث كردار ترسره كوو۔بي بي سي سره په خپله يوه مركه كښې ده ووئيل زمونږ حكومت د دواړه ډلو په خواهش په دې لوظنامه كښې د دريم ګړې او ثالث كردار ترسره كوي۔ده ووئيل تر اوسه كومه حتمي لوظنامه نه ده شوې خو په ښه ډول د دعمل پيل شوې او لوظنامې وړومبۍ برخه كښې د يوې مياشتې ډزبندۍ ته سلا راغلې۔ دواړه ډلې په دې خبره متفق دې چې خبرې اترې به روانې وي۔ده هيله څرګنده كړه چې دا يو ښه ګام دے او په دې لړ كښې به وړاندې هم ستونزې نه رامخې ته كيږي۔ده هيله څرګنده كړه چې پاكستان او ټي ټي پي ترمينځه نزدې والې زياتيږي۔اګست كښې په افغانستان كنټرول سنبھالولو نه پس د طالبان حكومت عبوري خارجه وزير امير خان متقي د خپل پلاوې سره په درې ورځنۍ دوره په پاكستان كښې موجود ؤ۔هغه د خپلې دورې په مهال د وزيراعظم عمران خان، خارجه وزير شاه محمود قريشي پشمول بيل حكومتي شخصيات سره ملاقات كړې دغسې د ميډيا او تھنك ټينكس سره ئې هم خبرې اترې كړي۔ په دې مهال هغه بي بي سي سره هم مركه ګړې كومه چې د هغه د كومې هم ميرمنې خبريالې سره وړومبۍ مركه ده۔ داعش په اړه د يوې پوښتنې په ځواب امير خان متقي ووئيل د داعش خطر شته خو زمونږ حكومت د هېواد د لويو برخو څخه هغه ختم كړې دي۔چرته يوه نيمه پېښه ځائې په ځائې چرته هم كيږي۔وړاندې د افغانستان 70 فيصده برخه د اسلامي امارات كنټرول كښې وه۔ اوس د دغه ټولو سيمو څخه طالبانو داعش په بشپړه ډول ختم كړې دي۔ هغوې يواځې په هغه برخو كښې ؤ چرته چې د كابل حكومت كنټرول ؤ۔كله چې مونږ كابل فتح كړو نو هغه سيمو كښې داعش سر پورته كول پيل كړل خو زمونږ د طالبانو حكومت د هغوې ختمولو لپاره ښه اقدام كړې۔هند سره د اړيكو په اړه د يوې پوښتنې په ځواب امير خان متقي ووئيل افغانستان د هند پشمول كوم هم هېواد سره شخړې نه غواړي۔ده ووئيل د افغانستان موجوده حكومت دا پاليسي لري چې زمونږ د نړۍ د كوم هم هېواد سره ټكراؤ نه وي۔مونږ نه غواړو چې افغانستان د كوم هېواد سره څه ټكراؤ وي يا داسې چيلنجونه رامخې ته شي كوم سره چې زمونږ وګړي ځپلې كېږي ۔ هند سره په نزدې اړيكو د پاكستان يا چين د اړخه د كوم غبرګون په رامخې ته كيدو د يوې پوښتنې په ځواب ده ماسكو كښې د شوې ملاقاتونو حواله وركړه ۔ ده ووئيل مونږ چې كله ماسكو كانفرنس كښې ګډون كولو نو هلته د هند ٬ پاكستان او نورو هېوادونو نمائندګان موجود ؤ۔هلته مثبت خبرې اترې شوي وې او مونږ هيله لرو چې كوم هم هېواد مخالفت ونه وكړي ۔بي بي سي د طالبانو خارجه وزير امير خان متقي څخه حكومت كښې راتللو نه پس د ميرمنو د حقونو په اړه هم خبرې اترې وكړي۔هغه څخه پوښتنه وشوه چې نړۍ ته وئيلي كېږي چې طالبان اوس وړاندې څخه بدل شوې او كه دا رښتيا وي نو هېواد كښې ميرمنو له بنيادي انساني حقوق ولي نه وركړې كېږي ؟ امير خان متقي په ځواب كښې د داسې خبرونو ترديد وكړو ۔ده ووئيل دا سمه خبره نه ده چې ميرمنې پھ يوه څانګه كښې هم پھ نظر نه راځي ۔ د صحت په څانګه كښې د ميرمنو شموليت 100 فيصده دې۔ هغوې د تعليم په څانګه كښې هم دي۔ مونږ په دې معامله كښې ښه والې راوستې۔ هغوې په هره هغه څانګه كښې كار كوي كومه كښې چې د هغوې ضرورت دې۔ زمونږ داسې كومه پاليسي نشته چې مونږ ميرمنو له په كومه داسې څانګه كشې د هغوې حق نه وې وركړې ۔ امير خان متقي ووئيل كومه هم صوبه كښې تعليمي ادارې بندې نه دي۔ټول هېواد كښې ټولې تعليمي ادارې پرانستلې دي۔ مونږ سكولونه په درې كيټيګرييز كښې تقسيم كړې دي۔ټول هېواد كښې د جينكو ټول سكولونه پرانستي دي ٬ په ځينې سيمو كښې مشكل دا دې چې د كورونا په وجه زيات سكولونه وړاندې څخه بند ؤ۔ مونږ د سكولونو پرانستل پيل كړې او اوس 75 فيصده سكولونه پرانستلې دي۔د افغانستان سركاري او نورو دفترو كښې كار كونكې ميرمنو له بيرته خپل كار ته راتللو له اجازې نه ترلاسه كيدو په اړه ده ادعا وكړه چې افغانستان كښې د طالبانو كنټرول ن هپس دلته تير حكومت كښې كار كونكې ميرمنې د كار څخه نه دې فارغ كړې شوي۔امير خان متقي ووئيل مونږ نړغ سره اړيكو ښه كولو له مخ په وړاندې روان يو۔هيله لرو چې نړۍ سره به اړيكې لا مستحكم شي۔
پاكستان او تحريك طالبان پاكستان يعني ټي ټي پي ترمينځه لوظنامې له د ثالث كردار ترسره كوو،افغانستان كښې د طالبانو حكومت عبوري خارجه وزير امير خان متقي بي بي سي سره مركه
مضمون کا ماخذ : گنہر نا لوٹیریا
متعلقہ مضامین
