ملګري ملتونه 06 اکتوبر (اے پي پي) په ملګرو ملتونو كښې د پاكستان مستقل مندوب منير اکرم لخوا د نړۍ پام د هند جارح او د پراختيا پسند حكومت پلو سوئيلي آسياء كښې امن او سلامتيا ته د پیښو خطرو پلو رامخې ته كولو او د هند په غېر قانوني تسلط جمو و كشمير كښې د بشري حقونو سنګينې خلاف ورزۍ څرګندولو نه پس په ملګرو ملتونو كښې د پاكستان او هندي استازو ترمېنځه لفظي تكرار شوے٬ د هند استازي سوباشاشيني د ملګرو ملتونو عمومي اسمبلۍ كښې د وسلې تخفيف او د نړيوالې سلامتيا په چارو كار كونكې په ورومبۍ كمېټۍ كښې د منير اکرم په بيان خپل غبرګون كښې ناوړه خبرې كولو سره ادعا وكړه چې جمو و كشمير د هند كورنۍ مسئله ده او تور ئې ولګولو چې پاكستان په ترهګرۍ كښې ككړ دے او بله دا چې پاكستان دې خپل هېواد كښې د مېرمنو او اقليتونو د پرېشانۍ وړ حالاتو په اړه فكر مند شي٬ په ملګرو ملتونو كښې د پاكستان استازي ګل قيصر سرواني په ځواب وركولو كښې د هند هغه ادعا مسترد كړه چې پكښې ھغه جمو و كشمير د هند كورنۍ معامله ګرځولې وه ۔ ده ووئيل د ملګرو ملتونو په نقشو كښې كشمير د متنازعه سيمې په توګه موجود ده او دا د هند لويه غلط فهمي ده چې جمو و كشمير د دوي برخه دے٬ په اصل كښې دا يوه قانوني قيصه ده۔ ده ووئيل د ملګرو ملتونو د قراردادونو له مخې د جمو و كشمير حتمي پرېكړه به ځائي اولس د ملګرو ملتونو په نګرانۍ كښې د استصواب رائے له مخې كوي او هند د ملګرو ملتونو د چارټر آرټيكل 25 تسليم كړے او هند په دې د عمل كولو پابند دے ۔ ده ووېيل د ملګرو ملتونو پوځي مبصر مشن په كشمير كښې په لائن آف كنټرول تعينات دے۔ ده ووئيل جارح ٬ نو آبادياتي سوچ لرونكے او غېر قانوني قابض هېواد هند كشميريانو ته د خپلواكۍ حق وركولو او د آزادۍ جائز هلې ځلې د ترهګرۍ په توګه وړاندې كولو سره د دوي غلې كولو لپاره د جواز وړاندې كولو هڅه كوي او د دوي دا سوچ دا مهال په عروج دے۔ ګل قيصر سرواني ووئيل پاكستان دا مسئلې او د هند په غېر قانوني تسلط جمو و كشمير كښې د هند رياستي ترهګرۍ رامخې ته كړي او بيا به هم رامخې ته كوي۔ پاکستاني استازي د اقلتيونو په اړه تبصره كولو كښې ووئيل هند دې د پاكستان پحقله د ناسمو ادعاګانو په ځاے خپلو رياستي چارو ته پام وكړي۔ ده ووئيل هند كښې د بالادستۍ نظريي له امله اقليتونو او په خاص توګه د مسلمانانو په ضد اسلام فوبيا او تعصب زيات شوے۔ ګل قيصر سرواني ووئيل نن برداشت نه لرونكې هېواد هند كښې 20 كروړه مسلمانان د غوا حفاظت كوٶنكې بيا بيا قتل كوي او د تشدد د لارې هغوي په نخښه كوي ٬ دغسې د هندي حكومت په ملاتړ د آر اېس اېس انتها خوښي مسلمانان او د نورو اقليتونو قتل عام كوي او د مسلمانانو د رائے حق نه محرومولو لپاره د امتيازي شهرت قوانين سره جوماتونو ته د زيان رسولو يو مشتركه كمپائن روان دے۔
د هند په غېر قانوني تسلط جمو و كشمير كښې د بشري حقونو سنګينې خلاف ورزۍ د رامخې ته كولو نه پس په ملګرو ملتونو كښې د پاكستان او هندي استازو ترمېنځه لفظي تكرار
مضمون کا ماخذ : کراچی لاٹری
متعلقہ مضامین
