اسلام آباد 21 مارچ (اے پي پي)وزيراعظم محمد شهباز شريف معيشت ته د رامخې ته شوو چېلنجونو حل او د سرمايه كارۍ ودې لپاره د خاص سرمايه كارۍ آسانيو كونسل مهم پليټ فارم ګرځولو سره وئېلي دي د هېواد سلامتيا او پرمختګ لپاره مونږ ټول يو موټې يو٬ وفاق او صوبو له په ګډه د هېواد پرمختګ او خوشحالۍ له كار كول دي٬د بنيادي ډهانچه جاتي اصلاحات نه بغېر معيشت قوي كولې نه شو٬هر كال د درېو نه تر څلور ټريلين روپو محصولات ضائع كېږي٬ 2700 اربه روپۍ محصولات په اړه مقدمات په عدالتونو كښې دي٬ د ګاز او برېښنا څانګې ګردشي قرض 5 ټريلين روپو ته رسېدلے ٬ د آئي اېم اېف سره د سټاف په كچه لوظ نامې نه پس به راتلونكې مياشت 1.10 ارب ډالر قسط جاري شي٬د راتلونكې ترخو او سختو پريكړو بوج به په غريب اولس نه په اشرافيه اچولې شي۔د دې خيالاتو څرګندونه ده د زيارت په ورځ د خاص سرمايه كارۍ سهولت كونسل(اېس آئي اېف سي)ايپكس كمېټۍ خاص غونډې ته په خپله وينا كښې وكړه ۔وزيراعظم ووئيل نن په غونډه كښې د بېلو سياسي ګوندونو منتخب استازي او د هغوي مشران هم موجود دي٬د بېلو سياسي ګوندونو منتخب اعلٰی وزيران ٬وزيران او سركاري افسران٬ د پاك پوځ سرلښكر او د هغه د ډلې دلته موجودګي د ټول قام لپاره پېغام دے چې زمونږ خپل خپل منشور دے او خپله خپله ترجيح ده خو د پاكستان پرمختګ٬خوشحالۍ او يووالي لپاره نن مونږ دلته موجود يو۔وزيراعظم ووئيل د پخواني لنډ مهاله وزيراعظم انوار الحق كاكړ او د هغه د ډلې مننه كول غواړم چې عبوري حكومت كښې هغه په لويه ذمه وارۍ او محنت سره كار كړے ٬دې سره سره د پاك پوځ سرلښكر جنرل عاصم منير او د هغه ډلې هم د زړه نه مننه كوم چا چې زمونږ د 16 مياشتو حكومت په مهال بشپړه مرسته او په لنډ مهاله حكومت كښې هم قامي مفاد له د مرستې مظاهره كړې هغه مثالي ده۔وزيراعظم ووئيل جون 2023 كښې د خاص سرمايه كارۍ سهولت كونسل جوړ شوے ٬ د دې جوړولو درې لوئي وجوهات دي٬د هېواد دننه او بهر سرمايه كارۍ په اړه ستونزې او چېلنجونه رامخې ته وو۔وزيراعظم ووئيل اېس آئي اېف سي په جوړولو كښې د پاك پوځ سرلښكر سيد عاصم منير ځانګړے كردار ادا كړے او چې كوم كار وړاندې چا نه ؤ كړے د هغې لپاره د ئې بشپړې مرستې باور راكړے ؤ ۔وزيراعظم ووئيل معيشت ته ډېر لويې چېلنجونه رامخې ته دي٬د اېس آئي اېف سي اپيكس كمېټۍ 8 مياشتو كښې 9 غونډې شوي٬د دې نه علاوه د ايګزېكټو كمېټۍ هم ګڼ شمېر غونډې شوي٬په وركنګ كچه د 200 څخه زياتې غونډې شوي چې په نتيجه كښې يې ځينې كوټلې پريكړې شوي او په هغې عملدرآمد هم شوے ٬ ده ووئېل اېس آئي اېف سي يو مهم پليټ فارم دے ٬په تېر وخت كښې چې كومې تاخيري حربې اختيارولې شوې او د ځان خلاصي لپاره فائلونه اخوا ديخوا كولےش ول اوس هغه لړۍ بنده شوې ۔وزيراعظم ووئيل په 16 مياشتو كښې 13 كسيز مخلوط حكومت چې كله په اقتدار كښې راغلو نو هېواد ديواليه كېدو ته نزدې شوے ؤ ٬ټولو ګوندونو په ګډه پريكړه وكړه كه سياست ځي نو لاړ دې شي خو رياست بچ كول ضروري دي٬ ده ووئېل آئي اېم اېف سره سټينډ بائي لوظ نامه شوې وه ٬لنډ مهاله وزيراعظم انوار الحق كاكړ او د هغه د خزانې وزارت ته مباركي وركوم چا چې په دې لوظ نامه عملدرآمد كړے چې په نتيجه كښې يې آئي اېم اېف سره اوس د سټاف په كچه لوظ نامه هم وشوه٬هيله ده چې راتلونكې مياشت به د آئي اېم اېف څخه 1.10 ارب ډالر قسط ترلاسه شي۔وزيراعظم ووئيل دا زمونږ منزل نه دے٬مونږ به په هېواد كښې معاشي استحكام راولو او په ميكرو كچه استحكام لا قوي كول دي او دا ترسره شوې چې د يوې بلې لوظ نامې نه بغېر زمونږ ګزاره نه كېږي خو دا پوښتنه ده چې د دې څخه به معاشي استحكام راشي او زمونږ شرح نمو كښې به اضافه راتلل پیل شي او په هېواد كښې به د خوشحالۍ انقلاب راشي٬په دې په صحيح تناظر كښې د پوهېدو ضرورت دے ۔وزيراعظم ووئيل هر كال د 500 اربو روپو برېښنا غلا كېږي٬كه چرته د محصولات په وصولۍ كښې اضافه وشوه نو په قرضونو كښې به كمے راشي۔وزيراعظم ووئيل دا مهال وفاق كښې يو مخلوط حكومت جوړ دے٬په صوبو كښې د بېلو ګوندونو حكومتونه جوړ شوي٬مونږ ټولو له به په ګډه كار كول وي٬وفاق يواځې هېڅ نشي كولې٬صوبو سره به په ګډه د معاشي پرمختګ لپاره مخ په وړاندې تلل وي٬په لاره كښې به ستونزې او چېلنجونو راځي٬ګراني يو طوفان دے٬غريب په ګرانۍ كښې راګير شوے٬دا ټول معاملات زمونږ په وړاندې دي۔وزيراعظم ووئيل د برېښنا او ګاز څانګې ګردشي قرضه 5 ټريلين روپو ته رسېدلې ٬ 76 كلونو راهيسې دا لړۍ راروانه ده٬كوم يو ګوند د دې ذمه وار نشي ګرځېدے٬په ګډه به د دې مسئلو حل لټول وي٬ذاتي اختلافات يو پلو اېښودلو سره به قامي ګټې ته پام كول وي٬مونږ به خپل منزل ته ډېر زر ورسو۔وزيراعظم ووئيل لنډ مهاله حكومت د اېس آئي اېف سي په اړه چې كوم اقدامات پورته كړي هغه ډېر د اهميت وړ دي٬ 87 اربه روپۍ د برېښنا غلا بچ كړے شوي ٬دا كار يواځې په عزم كېږي٬مونږ هېواد د ديواليه كېدو څخه بچ كولو لپاره سياسي زيان اپورته كړے٬دغسې د قاچاق مخ نيوي لپاره چې كوم اقدامات شوي د دې څخه هم هېواد ته ډېره ګټه رسېدلې۔ده ووئيل د هوائي اډو آؤټ سورسنګ او د پي آئي اے په نجكارۍ ډېر كار شوے٬دا ټول هر څه ځكه ممكن شو چې قامي ګټې ته اوليت وركړے شوے۔ده ووئيل مونږ له به راتلونكو كښې ترخې او سختې پريكړې كول وي خو د دې پريكړو بوج په هغې طبقو اچول وي څوك چې دا بوج برداشت كړي۔وزيراعظم ووئيل لنډ مهاله دور كښې د هېواد معيشت ښه والي لپاره په بشپړه اقدامات پخواني وزيراعظم انوار الحق كاكړ٬د هغه كابينې او سركاري افسرانو ته پیرزوئنې وړاندې كوم
معيشت ته د رامخې ته شوو چېلنجونو حل او د سرمايه كارۍ ودې لپاره اېس آئي اېف سي مهم پليټ فارم دے٬د هېواد سلامتيا او پرمختګ لپاره مونږ ټول يو موټې يو۔ د وزيراعظم محمد شهباز شريف د اېس آئي اېف سي ايپكس كمېټۍ خاص غونډې ته وينا
مضمون کا ماخذ : raspadinha آن لائن
متعلقہ مضامین
