اسلام آباد ۔ 15 اپریل (اے پی پی) وزیر ??عظم عمران خان نال برطانوی پارلیمان دے رکن اتے کنزرویٹو پارٹی دے چیئرمین برینڈن لیوس سنوارکوں وزیراعظم آفس اچ ملاقات کیتی ۔چیئرمین بیسٹ وے گروپ سر انور پرویز، سی ای او بیسٹ وے گروپ ضمیر چوہدری وی انہاں دے کٹھے ہن۔ایں موقع تے پاک برطانیہ ڈو طرفہ تعلقات، تجارتی و سرمایہ کاری رابطے دے استحکام، پاکستا??ی برادری دے کردار اتے خطے دی مجموعی صورت حال تے گال مہاڑ ??یتی گئی ۔وزیر ??عظم عمران خان حکومت دے اصلاحاتی ایجنڈے کوں اجاگر کریندے ہوئیں ،ملک اچ کاروباری برادری دی سہولت اتے کاروبار اچ سوکھ سانگے کیتے گئے اقدامات تے روشنی پاتی ۔ وزیراعظم دا آکھنڑ ہا جو پاکستان یورپ اچ برطانیہ کوں اہم ترقیاتی اتے تجارتی تے سرمایہ کاری پارٹنر سمجھدے۔ انہاں آکھیا جو ڈوہائیں ملکاں دی سانجھداری خاص کر ”بریگزٹ“ دے بعد بیا ودھاونڑ دی ضرورت ہے ۔برینڈن لیوس ڈوہیں ملکاں وچال تجارتی تعلقات تے وسیع موقع تے گال مہاڑ ??ریندے ہوئیں امید ظاہر کیتی جو خطے اچ سیکورٹی دی بہتر صورت حال نال برطانوی کمپنی ولوں سرمایہ کاری اچ ودھارا تھیسی۔کنزرویٹو پارٹی دے چیئرمین وزیراعظم نال اتفاق کیتا جو ”بریگزٹ“ توں قطع نظر پاکستان اتے برطانیہ تجارتی تے سرمایہ کاری رابطے ودھانڑ دی صلاحیت رکھیندے۔ انہاں پلوامہ واقعہ دے بعددی صورتحال نال نبڑن دے حوالہ نال وزیراعظم عمران خان دی قیادت دی تعریف کیتی۔ انہاں برطانوی وزیراعظم تھریسامے ولوں وزیراعظم عمران خان کوں برطان??ہ دے دورہ دی دعوت وی ڈتی۔
وزیراعظم عمران خان دی کنزرویٹو پارٹی دے چیئرمین برطانوی رکن پارلیمنٹ برینڈن لیوس نال ملاقات دوران گالھ مہاڑ
مضمون کا ماخذ : como jogar lotomania
متعلقہ مضامین
