اسلام آباد ۔ 28 جون (اے پی پی) وفاقی وزیر اطلاعات، نشریات تے قومی ورثہ سینیٹر پرویز رشید آکھئے جو پاکستان ایران دے نال آپدے تعلقات کوںوڈی قدر دی نگاہ نال ڈیکھدے اتے اونکوں ہک قریبی دوست تصور کریندے، میڈیا دے شعبہ اچ تعلقات اچ ودھارے نال پاکستان اتے ایران وچال پہلے توں موجود ٹھوس تعلقات بئے مضبوط اتے پکے تھیسن ، ڈوہیں ملکاں دی ہک سانجھی تاریخ، مذہب، ثقافت اتے ورثہ اے جیڑھا ڈوہیں ملکاں کوں دوستی اتے بھائی چارے دے تعلق اچ جڑے ہوئے ہن۔ منگل کوں اتھاں ایرانی سفیر مہدی ہنر دوست نال ملاقات وچال گالھ مہاڑ کریندے ہوئے انھاں آکھیا جو پاکستان اتے ایران وچال میڈیا دے شعبہ اچ تعلقات اچ ودھارے نال ڈوہیں برادر ملکاں وچال پہلے توں موجود ٹھوس تعلقات بئے مضبوط اتے پکے ہوسن۔ انھاں آکھیا جو میڈیا ڈوہیں ملکاں وچال عوامی سطح تے روابط دے فروغ اتے غلط فہمیاں دے خاتمہ کیتے ہک مؤثر ذریعہ ثابت تھی سگدے تاں جو باہمی دلچسپی دے امور تے چنگی آگاہی فروغ پا سکے۔ سینیٹر پرویز رشید میڈیا دے وفود دے تبادلیاںدی ضرورت تے زور ڈتا جو ڈوہیں ملکاں دے ڈوجھے دے تجربات توں فیدہ چا سگن ۔ ملاقات دے دوران سینیٹر پرویز رشید اتے ایران دے سفیر میڈیا، اطلاعات اتے کلچر دے شعبیاں اچ تعاون دا جائزہ گھدا۔ وفاقی وزیر اتے ایرانی سفیر ڈوہیں ملکاں دی عوام دے باہمی فیدے کیتے پاکستان اتے ایران وچال ڈوطرفہ تعلقات کوں بیا ودھاونڑ دے عزم دا ارادہ کیتا ۔
میڈیا دے شعبہ اچ تعلقات اچ ودھارے نال پاکستان اتے ایران وچال پہلے توں موجود ٹھوس تعلقات بئے مضبوط اتے مستحکم تھیسن ،وفاقی وزیر اطلاعات، نشریات تے قومی ورثہ سینیٹر پرویز رشیددی ایرانی سفیر نال گالھ مہاڑ
مضمون کا ماخذ : پاور بال جیتنے کے طریقے
متعلقہ مضامین
.jpg)
