اسلام آباد ۔ 03جون(اے پی پی)وفاقی حکومت آندے مالی سال 2016-17ء دے بجٹ اچ سرکاری شعبے دے ترقیاتی پروگرام (پی ایس ڈی پی) دے تحت ریونیو ڈویژن دے پہلے توں جاری 6منصوبیں سانگے 30کروڑ 93لکھ 4ہزار روپے دا بجٹ رکھیا گیا ہے ۔ پی ایس ڈی پی دے مطابق انہاں منصوبیں تے مجموعی لاگت دا تخمینہ ڈو ارب 82کروڑ 7لکھ تے 55ہزار ہے ۔جیں اچ ہک ارب 70کروڑ 30لکھ روپے دی غیر ملکی امداد شامل ہے ۔ریو نیو ڈویژن دے انہاں منصوبیں تے گجرانوالہ اچ ریجنل ٹیکس آفس دی اضافی عمارت دی تعمیر،کوئٹہ اچ ایف بی آر کمپلیکس اچ نویں رہائشی مکان اتے پانڑیں تے ٹینک دی تعمیر ،پشاور اچ ٹیکس آفس دی اضافی عمارت دی تعمیر ،کوئٹہ اچ ایف بی آر کمپلیکس دے نویں رہائشی مکانات ، پاکستان اچ انلینڈ ریونیو دفتراں دا قیام ، ایم سی سی گوادر آر ٹی او اسلام آباد اتے سرگودھاتے کراچی اچ ڈائریکٹریٹ آف انٹیلی جینس اینڈ انوسٹیگیشن دی فزیبلٹی دی تیاری اتے کراچی پورٹ قاسم دی بندرگاہ تے سیکورٹی دی چنگائی سانگے منصوبے شامل ہن ۔واضح رہے جو انہاں منصوبیاں سانگے آندے مالی سال دے دوران 10لکھ روپے دی غیر ملکی امداد وی مل ویسی ۔
ریونیو ڈویژن دے پہلے توں جاری 6منصوبیں سانگے 30کروڑ 93لکھ 4ہزار روپے دا بجٹ رکھیا گے
مضمون کا ماخذ : کنگ کانگ روش
متعلقہ مضامین
.jpg)
