اسلام آباد ۔ 31 مئی (اے پی پی) وفاقی وزیر منصوبہ بندی ترقی تے اصلاحات احسن اقبال آکھیا جوحکومت دی موثر اقتصادی پالیسیاں پاروں جی ڈی پی 8سالیں دی اُچی سطح تے پج گئی اے،حکومت زرعی شعبے دی ترقی اتے چنگائی تے خصوصی توجہ ڈیندی پئی اے،آندے سال توانائی دے شعبے اچ چنگائی آونڑ شروع تھی ویسی۔حکومت سارے شعبیاں دی ترقی سانگے پر عزم اے،ایں مالی سال نواں منصوبہ شروع کریندے پیسے تانجو ڈاہ ہزار پی ایچ ڈی پیدا کر سگوں۔اے گالھیں انہاں مالی سال 2016-17 ء پی ایس ڈی پی بارے پریس بریفنگ ڈیندیں ہوئیں آکھی۔وفاقی وزیر آکھیا جو 2016ء داپاکستان 2013ء توں چنگا اے،حکومت کوں بہوں سارے چیلنجز دا سامنڑاں ہئی ،اٹھارہ توں ویہہ گھنٹے لوڈشیڈنگ ہوندی ہئی ۔انہاں آکھیا جو پسماندہ علاقیاں اچ یونیورسٹی بنڑائی ویندی پئین ،پہلی واری فاٹا اچ یونیورسٹی بنڑی ویندی پئی اے جئیں نال قبائلی علاقیاں اچ اعلیٰ تعلیم کوں ودھارا ملسی اتے فاٹا دے نینگر اعلیٰ تعلیم گھن تے ملک تے قوم دی خدمت کریسن ۔ہک سوال دے جواب اچ انہاں آکھیا جو صوبیاں اتے وزارتاں ولوں 1800ارب روپے دی پی ایس ڈی پی دی ڈیمانڈ آئی ہئی جئیں اچ 655ارب روپے اچ ساری سکیماں کوں پورا کرنڑاں ہئی ۔آندا کھیا جو آندے مالی سال دے ترقیاتی پروگراماں اچ وفاق دا 800ارب جڈانجو صوبیاں سانگے 875روپے دا ترقیاتی پروگرام این ای سی منظور کیتے جئیں اچ 20فیصد ودھارا تھیے۔انہاں آکھیا جو آمدے مالی سال دے ترقیاتی پروگرام اچ ایچ ای سی دے منصوبیاں سانگے 29ارب،انفراسٹرکچر،سڑکاں اتے پانڑی سانگے 460ارب، توانائی سیکٹر سانگے407ارب جڈانجو 20ارب روپے یوتھ پروگرام سانگے رکھیے گئن ۔انہاں آکھیا جو چین پاکستان اچ غیر ملکی سرمایہ کرنڑ آلا پہلا ملک بنڑ گئے ۔چین پاکستان اقتصادی راہداری ڈوہاں ملکاں دی قیادتاں وے وژن دا ملاپ اے ،اقتصادی راہداری گیم چینجر منصوبہ اے۔
حکومت دی موثر اقتصادی پالیسیاں پاروں جی ڈی پی 8سالیں دی اُچی سطح تے پج گئی اے،حکومت زرعی شعبے دی ترقی اتے چنگائی تے خصوصی توجہ ڈیندی پئی اے،فاقی وزیر احسن اقبال دی مالی سال 2016-17 ء پی ایس ڈی پی بارے پریس بریفنگ
مضمون کا ماخذ : لوٹیریا کے اعدادوشمار
متعلقہ مضامین
.jpg)
