اسلام آباد ۔ 22 اپریل (اے پی پی) ایوان بالا کو ں ڈسایا گئیا جو گزریل پنج سالاں دے دورا ن وفاقی سیکر ٹریاں کوں اپنڑے متعلقہ محکمے اچ بد عنوانیاں دے 34کیس نیب کوں بھجوائے گئے ۔جمعے کوں ایوان بالا دے اجلاس اچ سوالاں دے وقفے دے دوران وفاقی وزیر قنون زاہد حامد ڈسایا جو گزریل پنج سالاںدے دوران نیب راولپنڈی کوں 7انکوائریاں اتے ہک انوسٹی گیشن ،نیب لاہور کوں 7انکوائریاں اتے 4انسوسٹی گیشن ،نیب کوئٹہ کوں ترائے انکوائریاں تے نیب کراچی کوں 9انکوائریاں اتے چار انوسٹی گیشن وفاقی سیکر ٹریاں ولوں بھیجیاں گئیاں ۔نیب خیبر پختونخوا’ نیب ملتان اتے نیب سکھر کو ںکوئی انکوائری یا انوسٹی گیشن وفاقی سیکرٹریاں ولوں کائنی بھجوائی گئی ۔ نیب راولپنڈی اچ چار انکوائریاں پوریاں تھی گئیاں ہن جڈاں جو باقی تے عمل تھیندا پئے۔ سینیٹر سعید غنی دے ہک سوال دے جواب اچ انہاں ڈسایا جو نیب اچ گریڈ 20 اتے 21 تے ایں ویلھے 28 افسرکم کریندے پئے ہن جڈاں جو چار افسر نیب اچ ڈیپوٹیشن تے ہن ۔ چیئرمین نیب کوں اے اختیار حاصل ہے جو او گریڈ 20اچ تعینات افسر کوں ترائے مہینے سانگے 21گریڈ اچ تعینات کرے ۔
گزریل پنج سالاں دے دورا ن وفاقی سیکر ٹریاں کوں اپنڑے متعلقہ محکمے اچ بد عنوانیاں دے 34کیس نیب کوں بھجوائے گئے ،وفاقی وزیر زاہد حا مد دا ایوان بالا اچ جواب
مضمون کا ماخذ : ایشیا ڈریگن
متعلقہ مضامین
.jpg)
