اسلام آباد 10 اګست (اے پي پي)د سېنېټ چيئرمېن محمد صادق سنجراني وئېلي دي د اسلامي امت د ستونزو حل په ګډه د لټولو ضرورت دے بايد مونږ د اسلام او مسلمانانو په ضد منفي تاثر زائل كولو لپاره خپل دريځ د كوټلې سفارتكارۍ د لارې په بشپړه توګه وړاندې كړو ۔ده دا خبرې د رابطه عالمي اسلامي سېكرټري جنرل ډاكټر محمد بن عبدالكريم العيسی سره د ټېليفوني خبرو اترو په مهال وكړې۔د سېنېټ سېكرټرېټ له مخې دواړو مشرانو د اسلامي امت په ستونزو٬د منطقې په صورتحال٬په مقبوضه كشمير او فلسطين كښې په روانو ظلمونو٬اسلامو فوبيا٬ترهه ګرۍ او انتهاخوښۍ پشمول په مهمو چارو خبرې وكړې۔په دې موقع د سېنېټ چيئرمېن ووئيل د اسلامي امت د ستونزو حل په ګډه د لټولو ضرورت دے بايد مونږ د اسلام او مسلمانانو په ضد منفي تاثر زائل كولو لپاره خپل دريځ د كوټلې سفارتكارۍ د لارې په بشپړه توګه وړاندې كړو ۔د رابطه عالمي اسلامي سېكرټري جنرل ووئيل اسلامي امت په تاريخي اعتبار سره د يو مهم دور څخه تېرېږي۔ده ووئيل اسلامي هېوادونو ته به د خپلو ستونزو حل لپاره د مذاكراتو او بحث او مباحثې لار خپلول وي چې دغسې په سوله ايز ډول ستونزې حل كړی شي او د اولس پرمختګ او خوشحالۍ لپاره په ګډه كار وكړے شي۔ده په دې لړ كښې د پاكستان كردار وستائېلو او وې وئېل پاكستان په اسلامي نړۍ كښې يو مهم مقام لري او تل يې د مسلمانانو ترمينځه اتحاد ته د ودې وركولو خبره كړې۔دواړو مشرانو د رابطه كارۍ د دې عمل جاري ساتلو پريكړه كړې چې دغسې ستونزې د شريكو هڅو د لارې حل كړی شي
د اسلامي امت ستونزو حل په ګډه د لټولو ضرورت دے۔د سېنېټ چيئرمېن د رابطه عالمي اسلامي سېكرټري جنرل سره ټېليفون خبرې
مضمون کا ماخذ : تھنڈرسٹرک II
متعلقہ مضامین
